बातमी

मुरगूड ( शशी दरेकर ) : शिंदेवाडी ता- कागल येथे शिवसेनेच्या युवा सेनेच्या शाखेचे उद्घाटन अॅड .विरेंद्र मंडलीक यांच्या हस्ते झाले . कार्यक्रमाच्या अध्यक्षस्थानी उपसरपंच सौ. रामेश्वरी खराडे होत्या. यावेळी अॅड .विरेंद्र मंडलीक म्हणाले, अन्यायाविरूद्ध लढण्यासाठी युवा सेनेचे व्यासपीठ उपलब्ध असुन युवकांनी अन्यायाविरूद्ध लढुन समाजाच्या सेवेसाठी कटीबद्ध राहावे. तसेच सरकारने घेतलेल्या निर्णयांची माहीती तळागाळापर्यंत पोचवावी. यावेळी पुंडलिक खराडे, पांडुरंग ढेरे, राहुल खराडे, रवी शिंदे, ओंकार खराडे, सागर शिंदे, संदीप कलकुटकी, शुभम चौगले, विनायक खराडे, नंदू ढेरे, नेताजी शिंदे, विजय शिंदे, विनायक शिंदे, विष्णू मोरबाळे, विलास पोवार, आनंदा कदम, सचिन खराडे, वसंत ढेरे, परशुराम मोरबाळे ,शिवाजी खराडे ,संतोष खराडे, तानाजी खराडे, एकनाथ पोवार, दिलीप शिंदे, पी.बी.खराडे ,उत्तम खराडे, सतीश खराडे, संभाजीराव खराडे, निखिल खराडे, अनिल शिंदे, हरी शिंदे, साताप्पा शिंदे, सुकुमार शिंदे यांच्यासह तरूण वर्ग मोठया संख्येने उपस्थित होता. स्वागत ग्रामपंचायत सदस्य अजित मोरबाळे यांनी केले. तर बालाजी सहकार ग्रुपचे संस्थापक रवींद्र ढेरे यांनी प्रास्ताविक केले. तर आभार रवींद्र जालिमसर यांनी मानले.

शहराच्या विस्तारित क्षेत्राचा सिटीसर्वे प्रारंभ

कागल : राजर्षी शाहू महाराजांचा ऐतिहासिक वारसा असलेले कागल शहर सर्वांग सुंदर आहेच. स्वच्छता, विकास आणि सोयी सुविधांच्या बाबतीत ही कागल शहर राज्यासह, देशात नेहमीच नंबर वन असेल, असे प्रतिपादन ग्रामविकास मंत्री हसन मुश्रीफ यांनी केले. कागल शहराच्या विस्तारित क्षेत्राच्या सिटी सर्वे योजनेचा प्रारंभ मंत्री श्री मुश्रीफ यांच्या हस्ते झाला. यावेळी प्रमुख पाहुणे म्हणून ते बोलत होते. यावेळी शहरातील आठ ओपन जिमचे लोकार्पण व स्वतःच्या मालकीच्या जागेवर वैयक्तिक नवीन घरकुल बांधकाम करणे, केंद्रशासनाच्या पहिल्या अनुदानाचे वाटप हे कार्यक्रम ही झाले. जिल्हाधिकारी राहुल रेखावार म्हणाले, वाढत्या शहरीकरणाचा प्रश्न सबंध महाराष्ट्रभर आहेत, परंतु स्वच्छता विकासकामे आणि सोयीसुविधांच्या पुरवठ्यामुळे तो कागलमध्ये सुटलेला दिसतो, ही चांगली गोष्ट आहे. भुमिअभिलेखचे उपसंचालक किशोर तवरेज म्हणाले, संपूर्ण महाराष्ट्रभर खेड्या-पाड्यातील सिटीसर्वे करण्याचा महत्त्वाकांक्षी प्रकल्प ग्रामविकास विभागाने हाती घेतला आहे. त्यामुळे ६ लाख कोटी रुपयांची तरलता निर्माण होणार आहे. कागलच्या या प्रकल्पामुळे २०० कोटी रुपयांची तरलता निर्माण होईल. माजी नगराध्यक्ष प्रकाशराव गाडेकर म्हणाले, ग्रामविकास मंत्री हसन मुश्रीफ यांच्या घराचा दरवाजा जनतेसाठी सदैव उघडा असतो. जिल्हाधिकारी राहुल रेखावार यांनीही त्यांच्या कार्यालयाचा दरवाजा सदैव उघडा ठेवून एक चांगला आदर्श घालून दिला आहे. जिल्ह्यातील व तालुक्यातील सर्वच अधिकाऱ्यांनी जिल्हाधिकाऱ्यांच्या या उपक्रमाचे अनुकरण करावे. त्यामुळे जनतेलाही दरवाजाबाहेर ताटकळत राहावे लागणार नाही आणि कामांचा निपटारा ही जलद गतीने होईल. भाजपमधून राष्ट्रवादीमध्ये प्रवेश केलेले ॲड. संग्राम गुरव म्हणाले, दोन वर्षांपूर्वी मी मंत्री श्री. मुश्रीफ यांच्या नेतृत्वाखाली पक्षात आलो. त्याआधीची तीन वर्षे लीडरशिप कशी नसावी याची अनुभूती देणारी तर अलीकडची दोन वर्ष लीडरशिप कशी असावी याची अनुभूती देणारी ठरली आहेत.

मंत्री श्री मुश्रीफ म्हणाले,
🟠 अत्याधुनिक ड्रोन व रोव्हर्सद्वारे अचूक व जलद विस्तारित क्षेत्रातील मिळकतीचे मोजमाप, नकाशा व मिळकत पत्रिका मिळणार आहेत.
🟠 सर्वेक्षणातून प्रत्येक घराचा नकाशा, सीमा व क्षेत्र यांची माहिती मिळणार आहे.
🟠 मालमत्तेचा अधिकार पुरावा, मिळकतपत्रिकेच्या स्वरूपात मिळणार आहे.
🟠 कर्ज उपलब्धता विविध, आवास योजनाची मंजुरी, जागेची मालकी हक्क, तंटे – वाद उद्भवणार नाहीत.
🟠 जमिनी, खरेदी – विक्री, व्यवहारातील फसवणूक टाळणे सोपे होणार आहे.

यावेळी व्यासपीठावर केडीसीसी बँकेचे संचालक प्रताप उर्फ भैय्या माने, प्रांताअधिकारी सुशांत बनसोडे, भूमीअभिलेख पुणे जिल्हा अधीक्षक सुदाम जाधव, तहसीलदार सौ. शिल्पा ठोकडे, उपाधिक्षक सौ.सुवर्णा पाटील, उपनगराध्यक्ष विवेक लोटे, माजी उपनगराध्यक्ष रमेश माळी, नगरपालिकेचे मुख्य कार्यकारी अधिकारी पंडित पाटील, नगरसेवक सतीश घाडगे, संजय चितारी, सौ माधुरी मोरबाळे, सौ पद्मजा भालबर, सौ शोभा लाड, सौ जयश्री शेवडे, सौ नुतन गाडेकर आदी प्रमुख उपस्थित होते. स्वागत पांडुरंग पोटे यांनी केले. प्रास्ताविक नगरपालिकेचे पक्षप्रतोद नितीन दिंडे यांनी केले. सूत्रसंचालन निशांत जाधव यांनी केले. आभार नगरसेविका सौ.मंगल संग्राम गुरव यांनी मानले.

---

मुरगूड ( शशी दरेकर ) : मुरगूड तालुका कागल येथील मुख्य बाजारपेठेत शिवभक्त धोंडीराम परीट व शिवप्रेमींच्या वतीने लोकनेते दिवंगत माजी खासदार सदाशिवराव मंडलिक यांच्या 87 व्या जयंतीनिमित्त विनम्र अभिवादन करण्यात आले. प्रारंभी माजी नगरसेवक किरण गवाणकर यांच्या शुभहस्ते मंडलिक यांच्या प्रतिमेचे पूजन करण्यात आले. यावेळी किरण गवाणकर, नगराध्यक्ष राजेखान जमादार, विकी साळोखे, माजी नगरसेवक सुनील रणवरे यांनी मंडलिक यांच्या आठवणींना उजाळा दिला.

शिवभक्त धोंडीराम परीट बोलताना म्हणाले सर्वसामान्य जनतेचे आधारवड व हरित क्रांतीचे प्रणेते म्हणून खासदार सदाशिवराव मंडलिक यांची समाजात ओळख असल्याचे सांगत त्यांच्या जीवन कार्याला उजाळा दिला.

यावेळी नगरसेवक विशाल सूर्यवंशी, बाजीराव गोधडे, अशोक दरेकर, आनंदा मांगले, दत्तात्रय मंडलिक, आनंदा गोरुले, सदानंद मिरजकर, पत्रकार शशी दरेकर, सोमनाथ येरनाळकर, गौरव मोर्चे, अशोकराव साळोखे, विशाल मंडलिक, यांच्यासह ग्रामस्थ मोठ्या संख्येने उपस्थित होते स्वागत विकी साळोखे यांनी तर आभार अमित दरेकर यांनी मानले.

कागल : कोरोना महामारीचे संकट लक्षात घेता बऱ्याच कालावधीनंतर आज मंदिरे भाविकांसाठी दर्शनाकरिता खुली करण्याचा निर्णय महाविकास आघाडी सरकारने घेतला. समस्त मानव जातीवर आलेले हे संकट लवकर टळू दे आणि सर्व सामान्यांचे जीवन पूर्वपदावर येऊ दे,अशी मनोभावे प्रार्थना करुन कागल शहर राष्ट्रवादी काॕग्रेस पार्टी तर्फे प्रभु श्री राम मंदिर येथे आरती करण्यात आली तसेच कागल चे ग्रामदैवत गहिनीनाथ गैबीपीर दर्गा येथे प्रार्थना करण्यात आली.

यावेळी कागल शहर राष्ट्रवादी काॕग्रेस अध्यक्ष संजय चितारी,उपनगराध्यक्ष विवेक लोटे, नगरसेवक आनंदा पसारे, बाबासो नाईक, गंगाधर शेवडे, नवाज मुश्रीफ, इरफान मुजावर, जावेद नाईक, शाहनुर पखाली, सुरेश शिंदे, बच्चण कांबळे, सोहेल मुजावर, राहुल गाडेकर, निशांत जाधव, राष्ट्रवादी काॕग्रेस पार्टीचे प्रमुख कार्यकर्ते व नागरीक मोठ्या संख्येने उपस्थित होते.

मडिलगे(जोतीराम पोवार) :

गेली दीड वर्ष बंद असलेली मंदिरे शासन आदेशानुसार आज घटस्थापना दिवशी खुली झाल्याने भाविकांतून समाधान व्यक्त होत आहे वाघापूर तालुका भुदरगड येथील महाराष्ट्र व कर्नाटक राज्यातील असंख्य भाविकांचे श्रद्धास्थान असलेले श्री ज्योतिर्लिंगाचे मंदिर खुले झाल्याने ग्रामस्थ तसेच परिसरातील भाविकांतून उत्साहाचे वातावरण दिसून येत आहे.

येथील मंदिर गेले दीड वर्ष कोरणा चा प्रादुर्भाव रोखण्यासाठी बंद ठेवण्यात आल्याने नागपंचमी तसेच दसरा महोत्सव रद्द करावा लागला होता.

नवरात्रीत ज्योतिर्लिंग, विठ्ठल बिरदेव व विठ्ठलाई यांच्या पालखी प्रदक्षिणा बरोबरच जागर या दिवशी भाकणूक ऐकण्यासाठी व गुलाल-खोबरे उजळण्यासाठी मोठ्या संख्येने भाविक येतात शासन आदेशानुसार मंदिर खुले झाले असले तरी जिल्हाधिकारी यांच्या आदेशानुसार भाविकांना मंदिरात जात असताना मास्कचा वापर बंधनकारक असून सानिटायझरचा वापर तसेच सोशल डिस्टन चे पालन करावे लागणार असल्याचे स्थानिक देवस्थान सल्लागार समितीचे अध्यक्ष अरविंद जठार यांनी गहिनीनाथ समाचारशी बोलताना सांगितले यावेळी उपाध्यक्ष सदाशिवराव दाभोळे , सरपंच दिलीप कुरडे,पोलीस पाटील दत्तात्रय घाटगे, सचिव रावसाहेब बरकाळे यांच्यासह देवस्थान समितीचे सर्व सदस्य उपस्थित होते