कोल्हापूर, दि. 26 (जिमाका) : कृषी विभागातील कृषी आयुक्तालयाच्या अधिनस्त विभागीय कृषी सहसंचालक, कोल्हापूर विभाग कार्यालयाच्या आस्थापनेवरील गट-क -कृषीसेवक संवर्गातील 250 पदांसाठीची जाहिरात दि. 11 ऑगस्ट 2023 रोजी कृषी विभागाच्या संकेतस्थळावर प्रसिद्ध करण्यात आली आहे.
कृषीसेवक पदभरती संदर्भातील ऑनलाईन परीक्षा आय.बी.पी.एस. कंपनी मार्फत दि. 16 व 19 जानेवारी 2024 रोजी घेण्यात येणार आहे. परीक्षेसाठीचे प्रवेशपत्र यथावकाश आय.बी.पी.एस. संस्थेकडून संबंधितास उपलब्ध करुन देण्यात येईल, याची उमेदवारांनी नोंद घ्यावी, असे आवाहन विभागीय कृषी सहसंचालक बसवराज बिराजदार यांनी केले आहे.
