पेठ वडगाव: पेठ वडगाव नगरपालिकेच्या कारभारा विरोधात आणि शहरातील विविध प्रलंबित मागण्यांसाठी ‘पीपल्स रिपब्लिकन पार्टी’च्या वतीने सुरू करण्यात आलेले तीव्र साखळी बेमुदत उपोषण आज, २० मे २०२६ रोजी तिसऱ्या दिवशीही तितक्याच तीव्रतेने सुरू आहे.
प्रमुख मागण्या:
१. बेकायदेशीर अतिक्रमण: वडगाव नगरपालिकेच्या हद्दीतील ‘७० ब’ मधील आरक्षित जागेवर झालेले बेकायदेशीर आणि खाजगी अतिक्रमण त्वरित काढण्यात यावे.
२. डॉ. बाबासाहेब आंबेडकर पुतळा: पेठ वडगाव शहराच्या मध्यवर्ती ठिकाणी महामानव डॉ. बाबासाहेब आंबेडकर यांचा पूर्णकृती पुतळा उभारण्यात यावा.
गेल्या तीन दिवसांपासून सुरू असलेल्या या आंदोलनामुळे नगर प्रशासनावर दबाव वाढला आहे. जोपर्यंत प्रशासनाकडून ठोस कार्यवाहीचे आश्वासन मिळत नाही, तोपर्यंत हे आंदोलन मागे घेतले जाणार नाही, असा पवित्रा आंदोलकांनी घेतला आहे. या उपोषणाला स्थानिक नागरिकांचाही पाठिंबा मिळत असून, प्रशासनाच्या भूमिकेकडे सर्वांचे लक्ष लागून राहिले आहे.