आषाढवारी निमित्त वाहनांना पथकरातून सूट

वारकऱ्यांनी सवलत प्रवेश प्रमाणपत्र जारी करुन घ्यावे – प्रादेशिक परिवहन अधिकारी दिपक पाटील

कोल्हापूर, दि. 20 : आषाढीवारीनिमित्त पंढरपूरला जाणाऱ्या व येणाऱ्या वारकऱ्यांच्या हलक्या व जड वाहनांसाठी पथकरातून सूट देण्यासाठी भाविक व वारकऱ्यांसाठी सवलत प्रवेशपत्र जारी करण्यात आले आहे.

सर्व भाविकांनी व वारकऱ्यांनी हे सवलत प्रवेश प्रमाणपत्र प्रादेशिक परिवहन कार्यालय, कोल्हापूर कर्यालयातून कार्यालयीन वेळेमध्ये सर्व वैध कागदपत्रे सादर करुन जारी करुन घ्यावे, असे आवाहन प्रादेशिक परिवहन अधिकारी दिपक पाटील यांनी केले आहे.