मुरगूड ( शशी दरेकर ) – मुरगूड पोलिस ठाण्याकडे पोलिस निरीक्षक म्हणून गजानन सरगर हे नव्याने आज रुजू झाले. येथील सहाय्यक पोलीस निरीक्षक विकास बडवे यांची कोकण विभागाकडे बदली झाली असून त्यांच्या जागी मुंबईहून आलेले गजानन सरगर हे आज रुजू झाले.
श्री. सरगर यांची ३० वर्ष मुंबईत सेवा झाली आहे. कांही महिने त्यांनी गडहिंग्लज पोलीस ठाण्याकडे काम पाहिले आहे. श्री. सरगर हे मुरगूड पोलीस ठाण्यात आल्यानंतर त्यांचे पोलिस कर्मचारी, पत्रकार व पोलीस पाटील यांनी बुके देवून स्वागत केले. तसेच बदलीने जात असलेले सहाय्यक पोलीस निरीक्षक विकास बडवे यांना शुभेच्छा दिल्या.
