![](https://gahininathsamachar.com/wp-content/uploads/2024/07/IMG-20240710-WA0044.jpg)
मुरगूड ( शशी दरेकर ): “पुराबरोबर वाहून आलेल्या
लाकडांचा बंधाऱ्यांना धोका. “
मुरगूडनजीक असणाऱ्या कुरणी बंधाऱ्यावरील वाहतूक पूराचे पाणी ओसरल्यानंतर पूर्ववत सुरु झालेली आहे.
पण पुराबरोबर वाहून आलेली लाकडे व इतर कचरा बंधाऱ्यास तटून रहातो व त्यामुळे मागे पाणी तुंबत जाते .या पाण्याचा दाब धरणावर पडून त्याला धोका निर्माण होण्याची शक्यता आहे.
![](https://gahininathsamachar.com/wp-content/uploads/2024/07/img-20240710-wa00431119931012722209421.jpg)
याबाबतचे मत कांहीं जल अभियंत्यांनी सुध्दा व्यक्त केलेली आहे. कोल्हापूर पद्धतीचे बंधारे बांधताना हे तंत्रज्ञान वापरलेले आहे. मुरगूडचे माजी नगराध्यक्ष कै . विश्वनाथराव पाटील ( आण्णा )यांच्या संकलपनेतून देशातील पहिला कोल्हापुरी पद्धतीचा बंधारा वेदगंगेवर कुरणी जवळ साकारला आहे. सुरुपली , बस्तवडे हे बंधारे सुध्दा या प्रकारे तयार झाले आहेत.
पाणी निचरून जाण्याची सोय या बंधाऱ्यात आहे.
![](https://gahininathsamachar.com/wp-content/uploads/2024/07/img-20240710-wa00468521612084397752690.jpg)
पुराच्या पाण्याबरोबर आलेल्या कचऱ्याने हे पाणी तुंबून रहाते व मूळ तंत्र धोक्यात येते. येथील समाजसेवक शिवभक्तांनी व नागरीकानीं सुध्दा हीच बाब निदर्शनास आणली आहे.
धरण कृती समिती व स्थानिक स्वराज्य संस्थांनी पुराबरोबर वाहून आलेली लहान, मोठी लाकडे त्वरीत काढावी व ही बाब गांभीर्याने घ्यावी अशी या सामाजिक कार्यकर्त्यांची व नागरीकांची मागणी आहे.