![](https://gahininathsamachar.com/wp-content/uploads/2024/03/IMG-20240326-WA0042.jpg)
शिवराजच्या हरितसेनेच्या ‘पर्यावरण सेवा योजना ‘ अंतर्गत शिवारफेरीचे आयोजन
मुरगूड ( शशी दरेकर ) : निसर्गाकडे चला तुम्हाला आत्मीक सुखाची अनुभूती मिळेल . निसर्ग म्हणजे आनंद देणाऱ्या ज्ञानाचे भांडार आहे. निसर्गाच्या सानिध्यात विद्यार्थ्यांचा शारिरीक , मानसिक, बौध्दिक विकास घडून येतो असे प्रतिपादन वृक्षमित्र प्रविण सुर्यवंशी यांनी केले ते येथील शिवराज विद्यालयाच्या हरितसेनेच्या वतिने आयोजित ‘पर्यावरण सेवा योजना ‘ अंतर्गत शिवारफेरी प्रसंगी विद्यार्थ्याना मार्गदर्शन प्रसंगी बोलत होते.
विद्यार्थ्यांना परिसरातील वृक्षांची ओळख व्हावी. आपल्या परिसरातील असणाऱ्या जलस्रोतांची माहिती मिळावी . तसेच परिसरामध्ये पडणाऱ्या पावसाची मोजमाप कशी केली जाते ? परिसरात कोणकोणत्या रानभाज्या आढळतात ? या साऱ्याची माहिती मिळावी या उद्देशाने येथील शिवराज विद्यालय ज्युनियर कॉलेज मुरगूडच्या हरितसेना विभागाच्या वतीने ‘पर्यावरण सेवा योजनेच्या अंतर्गत शिवारफेरीचे आयोजन करण्यात आले.
![](https://gahininathsamachar.com/wp-content/uploads/2024/03/img-20240326-wa0040944480971372312234.jpg)
हरितसेना समन्वयक शिक्षक वृक्षमित्र प्रविण सुर्यवंशी यांनी यावेळी विद्यार्थ्यांना परिसरात कोण कोणते वृक्ष आहेत ? त्यांची नावे काय आहेत ? ते कसे ओळखायचे ? त्यापैकी देशी कोणते ? विदेशी कोणते ? त्यांतील औषधी वनस्पती कोणत्या ? बाजारात विकत न मिळणाऱ्या रानभाज्या कोणत्या ? याची माहिती या शिवारफेरीतून विद्यार्थ्यांना देण्यात आली.
त्याच बरोबर पळस, करंज, सेंद्री ( बिक्सा ) रिटा , गुलमोहर, कॅसिया , चिंच , पर्ज्यन्य वृक्ष , कणेरी , साग आदी वृक्षांच्या हजारो बिया ही यावेळी जमा करण्यात आल्या. या शिवारफेरीत श्री सुर्यवंशी यांचे बरोबर आर ए जालिमसर व शिवराजच्या हरितसेनेचे ५० विद्यार्थी – विद्यार्थिनी सहभागी झाले होते.
ही फेरी शिवराय विद्यालय येथून सुरू होऊन , सुर्यवंशी कॉलनी , महाजन कॉलनी , मंडलिक महाविद्यालय शिंदेवाडी रोड , सदाशिवराव मंडलिक महाविद्यालय बॉटॅनिकल गार्डन , आनंद आश्रम बंगला गार्डन, तलाव परिसर या मार्गावर आयोजित केली होती.
![](https://gahininathsamachar.com/wp-content/uploads/2024/03/img-20240326-wa00418751127411702403168.jpg)
यावेळी कैलाशपती , बकुळ , रिटा, जारूल , पळस, पांगारा, काटेसावर चंदन , सुपारी, सेंद्री, मोरआवळा, राईआवळा, बेहडा, अर्जुन, करंज, शिरीष , शिसम , सिल्व्हर ओक , गुळभेंडी पिचकारी, बहावा , निलमोहर, सातवीण, सिता अशोक , बेल आदी विद्यार्थ्यांना अपरिचीत असलेल्या वृक्षांची विद्यार्थांना नव्याने माहिती मिळाली . तसेच आघाडा , काटेमाठ , टाकळा बाभुळ , गोजिभ, उंबर , टिक्याचापाला ( दगडीपाला), कोवळा फणस , केळीचा कोका , तांदुळजा आदी रानभाज्याची माहिती ही यावेळी विद्यार्थांना देण्यात आली.
![](https://gahininathsamachar.com/wp-content/uploads/2024/03/congress89.jpeg)
शेवटी सरपिराजीराव तलाव परिसरात असलेल्या पर्जन्यमापक यंत्राची माहिती व मुरगूड यमगे व शिंदेवाडी गावांना पिण्याच्या पाण्याचा पुरवठा व शेतीला पाणीपुरवठा करणाऱ्या सर पिराजीराव तलावाच्या जलस्रोताची माहिती घेण्यात आली. निसर्गाच्या सानिध्यात रमत – गमत या आनंददायी व मार्गदर्शन पर शिवार फेरीचा विद्यार्थांना एक नाविन्यपूर्ण अनुभव मिळाला.
Awsome info and right to the point. I don’t know if this is actually the best place to ask but do you folks have any thoughts on where
to get some professional writers? Thanks in advance 🙂 Escape roomy lista
Very interesting info!Perfect just what
I was looking for!.