![](https://gahininathsamachar.com/wp-content/uploads/2024/03/IMG-20240310-WA0029.jpg)
मुरगूड ( शशी दरेकर ) : मुरगूड येथील सदाशिवराव मंडलिक संस्कार भवन आयोजित शनिवार दिनांक 9 मार्च 2024 रोजी इयत्ता पहिली ते चौथीच्या विद्यार्थ्यांचा आठवडी बाजार हा उपक्रम घेण्यात आला .विद्यार्थ्यांच्या व्यावसायिक ज्ञानात भर पडावी , पैशाची देवाण – घेवाण कळावी यासाठी विद्यार्थ्यांना आपल्या शेतातील भाजीपाला किंवा इतर वस्तू, घरात करण्यात आलेले खाद्यपदार्थ, किराणा, स्टेशनरी इत्यादी विक्रीसाठी आणण्यात आले होते . विद्यार्थ्यांनी यामध्ये मोठ्या प्रमाणात सहभाग घेतला. भाजीपाला , शेवगा , वांगी , टॉमेटो , गाजर , मुळा , कोथंबीर, यासह -खाद्यपदार्थांचे स्टॉल, या_बाजारामध्ये विक्रीसाठी लावण्यात आले होते . सावर्डेकर कॉलनी कापशी रोड या ठिकाणी बाजाराचे आयोजन करण्यात आले होते.
![](https://gahininathsamachar.com/wp-content/uploads/2024/03/img-20240310-wa00281411369271766420019.jpg)
सदर आठवडी बाजाराचे उद्घाटन कागल पंचायत समितीचे गटशिक्षणाधिकारी डॉ. जी. बी .कमळकर साहेब यांच्या हस्ते -झाले. उद्घाटन प्रसंगी शिवराज विद्यालय व जुनिअर कॉलेज मुरगुड चे प्राचार्य श्री पी.डी.माने, रविंद्र शिंदे सर, व्होकेशनल विभाग प्रमुख जे . ए. पाटील सर, तसेच शिवराज विद्यालय व जुनिअर कॉलेज मधील शिक्षक वर्ग , विजयमाला मंडलिक गर्ल्स हायस्कूलच्या शिक्षिका सौ. एस. बी. पाथरवट मॅडम संस्कार भवन च्या मुख्याध्यापिका सौ योगिनी शेटे मॅडम व शिक्षक शिक्षकेतर कर्मचारी वर्ग, पालक, महिला तसेच सावर्डेकर कॉलनीच्या परिसरातील लोक उपस्थित होते.