दोन डोस व आरटी- पी सी आर ची मागणी

कागल( विक्रांत कोरे):
राष्ट्रीय महामार्ग क्रमांक चार दूधगंगा नदी वरती शिथिल करण्यात आलेली तपासणी पुन्हा कडक करण्यात आली आहे. आर टी-पीसी आर व दोन डोसच्या रिपोर्ट ची सक्ती करण्यात आली आहे.हा रिपोर्ट ज्यांच्याकडे नसेल त्यांना कर्नाटकात प्रवेश दिला जात नाही.

Advertisements

दिवाळीपासून राष्ट्रीय महामार्ग क्रमांक चार वरती दूधगंगा नदीवर कर्नाटक सरकारने वाहनांकडून आर टी – पी सी आर ची सक्ती शिथिल करण्यात आली होती. पुन्हा रविवार पासून बेंगलोर शहर व धारवाड येथे कोरोनाचे रुग्ण आढळल्याने ही तपासणी पुन्हा सुरू करण्यात आली आहे. यामध्ये वाहनधारकांकडून दोन डोस व आर टी – पी सी ची सक्ती करण्यात आली आहे. ज्या वाहनधारकांकडे आर टी – पी सी आर रिपोर्ट नसेल त्यांना परत महाराष्ट्रात पाठविण्यात येत आहे.यामुळे राष्ट्रीय महामार्गावर वाहनांच्या लांबच- लांब रांगा लागत आहेत. शितील करण्यात आलेली तपासणी पुन्हा कडक करण्यात आल्यामुळे वाहनधारकांच्यातून नाराजी व्यक्त होत आहे.

Advertisements


आजरा, गडहिंग्लज, उत्तुर व चंदगड तसेच स्थानिक प्रवाशांचे ओळखपत्र पाहून त्यांना प्रवेश दिला जात आहे. तपासणी दरम्यान वाहनधारक व पोलीस यांच्यात वादाचे प्रकार घडत आहेत.

Advertisements

Leave a Reply

Your email address will not be published. Required fields are marked *

error: Content is protected !!