कागल : देशाचे माजी राष्ट्रपती, तत्त्वज्ञ आणि शिक्षणतज्ज्ञ डॉ. सर्वपल्ली राधाकृष्णन यांच्या जयंतीनिमित्त ५ सप्टेंबर रोजी गोपाळकृष्ण गोखले विद्या मंदिर, कागल येथे शिक्षक दिन विविध उपक्रमांद्वारे उत्साहात साजरा करण्यात आला.
या कार्यक्रमात इयत्ता सहावी व सातवीमधील विद्यार्थ्यांनी शिक्षकांच्या भूमिकेत प्रवेश करून अध्यापनाचे धडे घेतले. स्वरा वडगाव, पूजा लोहार, वेदांत सोनुले, मधुरा कोरवी, आफान बागवान व अनुज सनगर यांनी प्रभावीपणे शिक्षकांची भूमिका निभावत विविध विषयांचे धडे शिकवले. तर रिषभ सनगर यांनी शिपाई पदाची भूमिका करून कार्यक्रमाला वेगळेच सौंदर्य प्राप्त करून दिले.
शाळेत विद्यार्थी-शिक्षकांनी घेतलेल्या अध्यापनात शिक्षणासह समर्पण, संयम व जबाबदारीची जाणीव विद्यार्थ्यांना झाली. या निमित्ताने संपूर्ण शाळेत विद्यार्थी-शिक्षकांचा उत्साह दिसून येत होता.
कार्यक्रमासाठी शाळेचे मुख्याध्यापक नदाफ सर, गाडेकर सर, पाटील सर व पिस्ते सर यांचे मार्गदर्शन लाभले. विद्यार्थ्यांच्या या उपक्रमामुळे शिक्षकांविषयी कृतज्ञता व्यक्त होताना वातावरण प्रेरणादायी झाले.