कागल (सलीम शेख): दिवाळी आणि गैबी उरुस या सणांच्या निमित्त कागल शहरात छत्रपती शिवाजी महाराजांच्या गडकिल्ले यांच्या प्रतिकृतींचे अद्भुत प्रदर्शन भरले आहे. शहरातील प्रत्येक चौक आणि गल्लीमध्ये लहान-मोठे मुले आपल्या कल्पकतेचा आणि कौशल्याचा अद्भुत नमुना मांडत गडकिल्ले उभारत आहेत.
या वर्षीच्या प्रदर्शनात गडकिल्ले बांधणीच्या बाबतीत एक नवीनच उंची गाठली आहे. किल्ल्यांची हुबेहू प्रतिकृती, त्यांची आकर्षक रंगकाम आणि मावळ्यांच्या प्रतिकृती यांनी सर्वच नागरिकांना अचंबित केले आहे. किल्ल्यांच्या उत्कृष्ट बांधणीसाठी अनेक गटांना पारितोषिके देऊन त्यांचे उत्साहवर्धन करण्यात आले आहे.
कागलकरांनी या उत्सवात मोठ्या उत्साहाने सहभाग घेतला असून, शहरात सकारात्मक वातावरण निर्माण झाले आहे. या कार्यक्रमामुळे मुलांमध्ये ऐतिहासिक जाणीव जागृत होण्यास मदत होत आहे. तसेच, शहरातील कला आणि संस्कृतीची जोपासना होत आहे.
