![](https://gahininathsamachar.com/wp-content/uploads/2023/06/IMG-20230630-WA0022.jpg)
मुरगूड ( शशी दरेकर ) : सरवडे ता. राधानगरी येथिल जिज्ञासा प्री -प्रायमरी स्कूलमध्ये बालचमुंनीं आषाढी एकादशीचा कार्यक्रम मोठया उत्साहाच्या वातावरणात साजरा केला.श्री. विठ्ठल -रूक्मिणी, वारकरी , तर कोणी संतांच्या वेषभूषा परिधान केल्या होत्या.
यावेळी टाळ – मृदुंग, भगवे झेंडे तर मुलींच्या डोक्यावर तुळशी वृंदावन बघून जणू पंढरपूरच्या वारीत असल्याचे जाणवत होते .
यावेळी कार्यक्रमात सरवडेगावच्या प्रथम नागरिक सौ. निर्मलादेवी राजेंद्र पाटील (सरपंच), संस्थेच्या संस्थापक अध्यक्षा सुवर्णाताई बळीराम रेपे, तसेच इतर संचालिका व अध्यापक वर्ग, लहान मुले, महिला वर्ग, पालक मोठया संख्येने उपस्थित होता.
![](https://gahininathsamachar.com/wp-content/uploads/2023/06/IMG-20230630-WA0023.jpg)
कार्यक्रमाचे संपूर्ण नियोजन शाळेच्या मुख्याधिपीका सौ .दिपाली बाबासाहेब रेपे यांनी केले. शेवटी उपवासाच्या फराळांचे वाटप सौ. शोभा भिमराव रेपे, सौ. अरूणा अर्जुन रेपे यानीं केले.