खा. शाहू महाराज आणि आ. सतेज पाटील यांच्या प्रमुख उपस्थितीत कार्यक्रम
कागल (प्रतिनिधी): काँग्रेस पक्षाच्या वतीने कागल शहरात आयोजित करण्यात आलेल्या जनसंपर्क कार्यालयाच्या उद्घाटन कार्यक्रमाला नागरिकांचा मोठा प्रतिसाद लाभला. या कार्यक्रमाचे अध्यक्षस्थान छत्रपती शाहू महाराज (खासदार) यांनी भूषवले, तर आमदार सतेज (बंटी) पाटील साहेब यांची प्रमुख उपस्थिती होती. AICC सचिव बी. एम. संदीप यांच्यासह काँग्रेस पक्षाचे आणि महाविकास आघाडीतील घटक पक्षांचे अनेक मान्यवर यावेळी उपस्थित होते.
दूधगंगा विद्यालय जवळ, कागल शहर येथे रविवार, ०९ नोव्हेंबर २०२५ रोजी सकाळी १०:०० वाजता हा कार्यक्रम पार पडला. कोल्हापूर जिल्हा काँग्रेस किसान सेलचे अध्यक्ष मा. श्री. सागर शंकर कोंडेकर यांच्या जनसंपर्क कार्यालयाचे उद्घाटन खासदार शाहू महाराज, आमदार सतेज (बंटी) पाटील आणि AICC सचिव बी. एम. संदीप यांच्या हस्ते करण्यात आले.
यावेळी बोलताना मान्यवरांनी सागर कोंडेकर यांच्या कार्याचा गौरव केला आणि हे जनसंपर्क कार्यालय सामान्य नागरिकांच्या समस्या सोडवण्यासाठी एक महत्त्वाचे केंद्र ठरेल, असा विश्वास व्यक्त केला.
पदाधिकारी आणि कार्यकर्त्यांची मोठी उपस्थिती
या उद्घाटन कार्यक्रमाला काँग्रेस पक्षाचे, महाविकास आघाडीतील घटक पक्षांचे आणि समविचारी पक्षाचे पदाधिकारी आणि कार्यकर्ते मोठ्या संख्येने उपस्थित होते. कोंडेकर यांनी केलेल्या आवाहनाला प्रतिसाद देत कागल शहरातील आणि तालुक्यातील नागरिक बंधू-भगिनींनीही मोठ्या संख्येने उपस्थिती लावली.
जनसंपर्क कार्यालयाच्या माध्यमातून नागरिकांचे प्रश्न सोडवून त्यांना न्याय मिळवून देण्याचा निर्धार यावेळी कोंडेकर यांनी व्यक्त केला. कागलमध्ये काँग्रेस पक्षाला या जनसंपर्क कार्यालयाच्या माध्यमातून नवी दिशा व नवी ऊर्जा मिळेल, अशी चर्चा यावेळी उपस्थितांमध्ये होती.