तरूण गंभीर जखमी
मुरगूड ( शशी दरेकर ) : चिमगाव ता – कागल येथे गावातून मोठ्या आवाजात मोटरसायकल फिरवल्याचे व नाव सांगितल्याच्या कारणावरून तरुणास चाकूने भोसकून गंभीर जखमी केले आहे. यामध्ये अजिंक्य भरत एकल (वय ३३ ) हा तरूण गंभीर जखमी असून मुरगूड येथील ग्रामीण रुग्णालयात प्राथमिक उपचार करून सीपीआर मध्ये दाखल केले आहे. याबाबत संशयित आरोपी स्वप्नील संजय करडे (वय १८ ) व संजय यशवंत करडे या बापलेकावर मुरगूड पोलीसात गुन्हा दाखल केला असून दोघांना ताब्यात घेतले आहे.
मुरगूड पोलीसांनी दिलेली अधिक माहिती अशी की काही दिवसापासून स्वप्नील संजय करडे हा गावातून मोठ्या आवाजात मोटरसायकल फिरवत होता . ही माहिती अजिंक्य भरत एकल यांनी सांगितल्याच्या रागातून संशयित आरोपी संजय करडे याने शिवीगाळ करून पाठीमागून जोरात दाबून धरले व स्वप्नील करडे याने अजिंक्य एकलच्या पोटाच्या डाव्या बाजूस चाकूने भोसकले व गंभीर जखमी केले जखमीस कोल्हापूरच्या सीपीआर मध्ये उपचार सुरू आहेत घटनेची नोंद मुरगूड पोलीसात झाली असून अधिक तपास सपोनि शिवाजी करे करीत आहेत.
