मुरगूड ( शशी दरेकर ) : उत्तर प्रदेशातील लखीमपुर खीरी येथे सनदशीर मार्गाने आंदोलन करीत असलेल्या शेतकऱ्यांना भाजपाच्या केंद्रीय मंत्र्याने गाडीखाली चिरडून मारण्याचा घृणास्पद प्रकार केला आहे. माणुसकीला काळिमा फासणारी ही घटना अतिशय निंदणीय आणि तीव्र चीड आणणारी आहे. मुरगुडची स्वाभिमानी जनता या शेतकऱ्यांच्या पाठीशी आहे. भाजपच्या या निर्दयी मंत्र्यांचा जाहीर निषेध. सदर घटनेचा निषेध म्हणून मुरगूड मधील शिवसेना, राष्ट्रवादी काँग्रेस , काँग्रेस, शेतकरी संघटना, कामगार संघटना यांच्या वतीने आज दि.११ ऑक्टोबर २०२१ इ.रोजी मुरगूड शहर बंद व निपाणी-फोंडा रस्त्यावर रास्ता रोको करणेत आला.
यावेळी मुरगुडचे नगराध्यक्ष राजेखान जमादार, मुरगुड शहर शिवसेनाध्यक्ष नामदेवराव मेंडके राष्ट्रवादी शहराध्यक्ष रणजित सूर्यवंशी,माजी उपनगराध्यक्ष जयसिंगराव भोसले, पक्षप्रतोद संदीप कलकुटगी, विरोधी पक्षनेते राहुल वंडकर, नगरसेवक मारुती कांबळे,नगरसेवक सुहास खराडे,माजी नगरसेवक एस.व्ही.चौगले, सुनील रणवरे, दत्तात्रय मंडलिक, सचिन मेंडके, राजेंद्र आमते, सुनील चौगले, रंगराव चौगले, अक्षय सुर्यवंशी, राजेंद्र कांबळे, अमर सणगर, एस.पी.कांबळे, राहुल घोडके, दत्ता हासबे इ. मोठ्या संख्येने उपस्थित होते
