मुरगूड ( शशी दरेकर ) : मिणचे (ता-हातकणंगले) येथे झालेल्या जिल्हास्तरीय शासकीय शालेय व्हॉलीबॉल स्पर्धेत १९ वर्षाखालील गटात येथील शिवराज विद्यालय व ज्युनियर कॉलेजच्या मुलांच्या संघाने प्रथम क्रमांक पटकावला. या संघाची विभागीय स्पर्धेसाठी निवड झाली आहे. मिणचे (ता-हातकणंगले)येथे झालेल्या स्पर्धेत शिवराज विद्यालय व ज्युनियर कॉलेजच्या १९ वर्षाखालील संघाने अंतिम सामन्यात उद्धव चौगले याच्या उत्कृष्ठ पासवर व राष्ट्रीय खेळाडू विक्रम रानमाळे, विश्वजित जाधव,रोहन भारमल, मितेश सावंत व विघ्नेश मोरबाळे यांच्या जोरदार आक्रमणापुढे आदर्श विद्यानिकेतन मिणचे संघाचा निभाव लागला नाही. या संघाचा २५-१३,२५-१३ असा लिलया पराभव करीत प्रथम क्रमांक पटकावला. तत्पूर्वी शिरोळ तालुक्याच्या संघाला सरळ दोन सेटमध्ये पराभूत केले.
संघातील खेळाडू असे: उद्धव चौगले( कप्तान ), विश्वजित जाधव, विक्रम रानमाळे, मितेश सावंत, रोहन भारमल, विघ्नेश मोरबाळे, रोशन भराडे, दिगंबर गोधडे, अथर्व मेटकर ,विराट पाटील, रुद्र बिल्ले, विनीत परीट यांचा समावेश आहे.
या खेळाडूंना व्हॉलीबॉल प्रशिक्षक, माजी प्राचार्य महादेव कानकेकर, क्रीडा शिक्षक एकनाथ आरडे, प्रशिक्षक संभाजी मांगले, अजित गोधडे, विनोद रणवरे ,सुहास भारमल, अमित साळोखे, श्रावण कळांद्रे, गजानन गोधडे, करण मांगले यांचे मार्गदर्शन लाभले . तर संस्था सेक्रेटरी मा.खा. संजयदादा मंडलिक, कार्याध्यक्ष विरेंद्र मंडलिक , अध्यक्ष गजाननराव गंगापुरे , कार्यवाह आण्णासो थोरवत , प्र.प्राचार्य व्ही बी खंदारे, पर्यवेक्षक पी पी सुर्यवंशी, उपप्राचार्य यांचे प्रोत्साहन लाभले.
या संघातील खेळाडूंचा कॉलेजच्या वतीने सत्कार करण्यात आला . यावेळी प्र.प्राचार्य व्ही बी खंदारे, उपमुख्याध्यापक पी पी सुर्यवंशी,उपप्राचार्य इ व्ही चौगुले, प्रा.शिवाजी टेंबुगडे, करण मांगले, एकनाथ आरडे, प्रा.तानाजी मेटकरी, प्रा.अजित पाटील, प्रा. संभाजी प्रभावळे, प्रा. प्रकाश डवरी, संजय मोरबाळे उपस्थित होते.
.