नवी दिल्ली: काँग्रेस नेते राहुल गांधी यांच्या वाढदिवसानिमित्त Rahul Gandhi birthday दिल्ली काँग्रेस युनिट आज (१९ जून) राजधानी दिल्लीत एका मोठ्या रोजगार मेळाव्याचे आयोजन करत आहे. तालकटोरा स्टेडियममध्ये हा मेळावा होणार असून, १०० हून अधिक कंपन्या या मेळाव्यात सहभागी होऊन हजारो तरुणांना नोकरीच्या संधी उपलब्ध करून देतील अशी अपेक्षा आहे.
बेरोजगारांना रोजगार मिळवून देण्याच्या उद्देशाने हा मेळावा आयोजित करण्यात आला आहे. राहुल गांधी यांनी नेहमीच बेरोजगारीच्या मुद्द्यावर आवाज उचलला असून, तरुणांना रोजगार मिळावा यासाठी ते सातत्याने प्रयत्नशील आहेत, असे काँग्रेसकडून सांगण्यात आले आहे.
या मेळाव्यासाठी २० हजारांहून अधिक उमेदवारांनी ऑनलाईन आणि ऑफलाईन नोंदणी केली आहे. विविध क्षेत्रांतील कंपन्या, ज्यात उत्पादन, किरकोळ विक्री, बँकिंग, माहिती तंत्रज्ञान आणि फार्मा क्षेत्रातील कंपन्यांचा समावेश आहे, त्या या मेळाव्यात मुलाखती घेतील आणि तात्काळ ऑफर लेटर्स देण्याचा प्रयत्न करतील.
या मेळाव्यामुळे दिल्ली आणि आसपासच्या परिसरातील हजारो बेरोजगार तरुणांना मोठा फायदा होईल अशी आशा दिल्ली काँग्रेसने व्यक्त केली आहे. Rahul Gandhi birthday