मुरगूड ( शशी दरेकर ) : मुरगूड ता . कागल येथिल श्री . व्यापारी नागरी सहकारी पतसंस्थेचे संस्थापक संचालक आणि मुरगूडमधील प्रसिद्ध सराफ व्यावसायिक प्रदिप दत्तात्रय वेसणेकर ( वय ६५ ) यांचे अल्पशा आजाराने नुकतेच निधन झाले.
मुरगूडच्या व्यापारी नागरी सहकारी पतसंस्थेच्या मुख्य कार्यालयात त्यांच्या फोटोला पुष्पहार अर्पण करून व दोन मिनिटे स्तब्धता राखून त्यानां भावपूर्ण श्रध्दांजली वाहण्यात आली.
यावेळी संस्थेचे चेअरमन किरण गवाणकर म्हणाले श्री . व्यापारी नागरी सह .पतसंस्थेच्या उभारणीमध्ये त्यांचा मोलाचा वाटा होता . त्याचबरोबर व्यापारी पेठेच्या गणेश तरुण मंडळात ते सक्रीय होते. त्यांच्या हसतमुख व आपलेपणाच्या स्वभावामुळे मोठा मित्रपरिवार त्यांच्याशी जोडला गेला होता. गवाणकर यानीं त्यांच्या एकेक आठवणी सांगतानां त्याच्यासह व्हा . चेअरमन , संचालक , कर्मचारी वर्गाचे डोळे अश्रूनीं डबडबले .
यावेळी व्हा . चेअरमन प्रकाश सणगर, संचालक किशोर पोतदार , प्रशांत शहा, शशिकांत दरेकर, साताप्पा पाटील, हाजी धोंडिराम मकानदार, नामदेवराव पाटील, निवास कदम, संदिप कांबळे, संचालिका रोहिणी तांबट, सुनंदा जाधव, मॅनेंजर सुदर्शन हुंडेकरी, कर्मचारी वर्ग उपस्थित होते.
