मुरगुड (प्रतिनिधी): मुरगुड पोलीस ठाण्याच्या हद्दीतील मोटर सायकल चोरीचे दोन गुन्हे उघडकीस आणण्यात पोलिसांना यश आले असून, एका विधीसंघर्षग्रस्त बालकाकडून ३०,०००/- रुपये किमतीच्या दोन चोरीच्या मोटर सायकली जप्त करण्यात आल्या आहेत. ही कारवाई २४/०९/२०२५ रोजी करण्यात आली.
गुन्ह्यांचा तपशील:
मुरगुड पोलीस ठाण्यात मोटर सायकल चोरीसंदर्भात गुन्हे दाखल होते:
- गुन्हा क्र. ३०२/२०२५: फिर्यादी सुशांत मल्लीकार्जुन जंगम, रा. हमीदवाडा, ता. कागल. चोरीस गेलेला माल: २०,०००/- रुपये किमतीची हिरो होंडा कंपनीची स्प्लेंडर प्लस मोटर सायकल (क्रमांक MH०९-CG३८७१).
- गुन्हा क्र. २६५/२०२५: फिर्यादी शिवाजी विष्णु डवरी, रा. हमीदवाडा, ता. कागल. चोरीस गेलेला माल: १०,०००/- रुपये किमतीची हिरो होंडा कंपनीची स्प्लेंडर प्लस मोटर सायकल (क्रमांक MH ०९-AZ ०५८६).
पोलिसांनी केलेली कारवाई:
कोल्हापूरचे पोलीस अधीक्षक श्री. योगेश गुप्ता साो., अपर पोलीस अधीक्षक डॉ. बी धीरजकुमार साो. आणि करवीर विभाग उपविभागीय पोलीस अधिकारी सुजितकुमार क्षिरसागर साो. यांच्या मार्गदर्शनाखाली चोरीच्या गुन्ह्यांचा तपास करण्यासाठी सूचना प्राप्त झाल्या होत्या.
सहाय्यक पोलीस निरीक्षक श्री. शिवाजी करे यांच्या मार्गदर्शनाखाली पोलीस अंमलदार १०७३ बी डी पाटील, १३७२ ए ए पाटील, २४८५ एस एस पाटील हे तपास करत असताना, पोलीस अंमलदार १०७३ बी डी पाटील यांना गोपनीय बातमीदारामार्फत माहिती मिळाली की, अबक (वय १५ वर्षे ११ महिने), रा. हमीदवाडा, ता. कागल या विधीसंघर्षग्रस्त बालकाकडे चोरीची मोटर सायकल आहे.
या माहितीच्या आधारावर पोलिसांनी बालकास ताब्यात घेतले व तपास केला. त्याने मुरगुड पोलीस ठाणे गु. र. न. ३०२/२०२५ मधील चोरीची स्प्लेंडर प्लस मोटर सायकल (MH०९-CG३८७१) चोरल्याची कबुली दिली. अधिक तपासणीदरम्यान, त्याने गु. र. न. २६५/२०२५ मधील दुसरी स्प्लेंडर प्लस मोटर सायकल (MH ०९-AZ ०५८६) देखील चोरल्याचे कबूल केले. या कारवाईत एकूण ३०,०००/- रुपये किमतीच्या दोन्ही चोरीच्या मोटर सायकली जप्त करण्यात आल्या आहेत.
कारवाई करणारे पथक: मा. सहाय्यक पोलीस निरीक्षक श्री शिवाजी करे, पोलीस अंमलदार १०७३ बी डी पाटील, १३७२ ए ए पाटील, २४८५ एस एस पाटील.