मुरगूडच्या शिवराज विद्यालयाचा व्हॉलीबॉल संघ विजयी

मुरगूड ( शशी दरेकर ) : बाचणी ( ता- कागल ) येथे झालेल्या कागल तालुकास्तरीय शासकीय शालेय व्हॉलीबॉल स्पर्धेत १४ वर्षाखालील गटात येथील शिवराज विद्यालय व ज्युनियर कॉलेजच्या मुलांच्या संघाने प्रथम क्रमांक पटकावला. या संघाची जिल्हास्तरीय स्पर्धेसाठी निवड झाली आहे .

          बाचणी ( ता- कागल ) येथे झालेल्या स्पर्धेत शिवराज विद्यालयाच्या संघाने पहिल्या सामन्यात मोहनलाल दोशी विद्यालय अर्जूननगर या संघावर  २३ – २५ , २५ – १२ व १५ – ९ अशा गुणफरकाने विजय मिळविला. उंपात्य सामन्यात शाहु हायस्कूल कागल संघाचा २५ – २२ , २५ – १४ असा लिलया पराभव करीत अंतिम फेरी गाठली.अंतिम फेरीत जयसिंगराव घाटगे हायस्कूल कागल संघाचा १५ – २५ , २५ – २२ व १५ – ९ असा पराभव करीत प्रथम क्रमांक पटकावला.

           संघातील खेळाडू असे : अथर्व मेटकर ( कप्तान ) , साई भराडे , विराट पाटील , तन्मय खैरे , मंदार धर्माधिकारी , समाधान राऊत , मेघराज भारमल, जय सामंत , पुष्कर सुतार , निरंजन संकपाळ , सम्राट मसवेकर , समर्थ डवरी

           या खेळाडूंना व्हॉलीबॉल प्रशिक्षक , माजी प्राचार्य महादेव कानकेकर , क्रीडा शिक्षक एकनाथ आरडे , संभाजी मांगले , अजित गोधडे , विनोद रणवरे ,सुहास भारमल , अमित साळोखे यांचे मार्गदर्शन लाभले . तर संस्था सेक्रेटरी मा.खा. संजयदादा मंडलिक , कार्याध्यक्ष विरेंद्र मंडलिक , अध्यक्ष गजाननराव गंगापुरे , कार्यवाह आण्णासो थोरवत , प्राचार्य जी के भोसले , उपमुख्याध्यापक व्ही बी खंदारे , पर्यवेक्षक पी पी सुर्यवंशी , उपप्राचार्य एल व्ही शर्मा यांचे प्रोत्साहन लाभले.
.