![](https://gahininathsamachar.com/wp-content/uploads/2022/06/IMG-20220611-WA0001.jpg)
मुरगूड ( शशी दरेकर ) : मुरगूड ता. कागल येथील ” मुरगूड नगरपरिषद ” मधील बगीचा विभागातील कर्मचारी श्री. भैरवनाथ कुंभार यांनी आतापर्यंत मुरगूड शहरामध्ये साडेचार हजारावर रोपट्यांचे संगोपन करुन व त्यांची योग्यप्रकारे निगा राखून रोपट्यांचे मोठ-मोठया वृक्षात रुपांतर झालेचे आपणास पहावयास मिळत आहे, त्यामुळेच मुरगूडनगरीच्या सौदर्यात भर पडली आहे. भैरवनाथ कुंभार यानीं गुलमोहोर , निलमोहर, वड, कॅशिओ, चाफा, बकुळी, करंजी, आपटा, कडूलिंब अशा अनेक प्रकारच्या रोपट्यानां वेळच्या-वेळी खतपाणी व योग्य प्रकारे निगा राखून संगोपन केल्याने आता ही झाडे मोठी झालेली आहेत.
![](https://gahininathsamachar.com/wp-content/uploads/2022/06/IMG_20220611_062009.jpg)
अनेक ठिकाणी गुलमोहरांच्या झाडाला बहरलेली फुले पहाताना डोळ्यानां आल्हाददायी वाटते, पाटील कॉलनी, ज्ञानेश्वर कॉलनी, सूर्यवंशी कॉलनी, कापशी रोड, बाजारपेठ व इतरत्र अनेक ठिकाणी त्यानीं झाडांचे योग्य संगोपन केल्याने मोठ मोठी वृक्ष पहायला मिळत आहेत. मुरगूड नगरपरिषदेने याची दखल घेऊन ” चॅंपियन पुरस्कार ” देऊन त्यानां गौरवण्यात आले होते. वृक्षतोडीमुळे पर्यावरणाचा ऱ्हास होत असल्याने आपण अनेक रोपटी लावून त्या रोपट्यांचे वृक्षात रुपांतर करण्याचा ध्यास आहे. अशा भावनां त्यानीं व्यक्त केल्या.