मुरगूड ( शशी दरेकर ) : मुरगूड ता . कागल येथिल रौप्यमहोत्सवी श्री . व्यापारी नागरी सहकारी पतसंस्थेच्या प्रांगणात शुक्रवार ९ जानेवारी २०२६ रोजी सकाळी ८ .३० ते ११ .३० या वेळेत श्री . स्वामी समर्थ महाराज पालखी पादुका परिक्रमा सोहळा, पादुकापूजन , श्रींच्या आरतीने उत्साहाच्या व भक्तीमय वातावरणात संपन्न झाला.
यावेळी अक्कलकोट येथिल स्वामी समर्थ महाराज व पादुकांचे स्वागत संस्थेचे चेअरमन किरण गवाणकर , व्हा . चेअरमन प्रकाश सणगर व संचालकानी केले.
या कार्यक्रमासाठी व्यापारी पतसंस्थेच्या प्रांगणात भव्य मंडप घातला होता . रंगीबेरंगी फुलांच्या माळा लाऊन मंडपाची सुंदर सजावट केली होती.
यावेळी श्री व्यापारी नागरी सहकारी पतसंस्थेत श्री स्वामी समर्थ महाराज पालखी पादुका परिक्रमा सोहळा मुरगूच्या बाजारपेठेत दुसऱ्यांदा साजरा केल्याने स्वामी भक्तानीं पादुकांचे दर्शन घेण्यासाठी अलोट गर्दी केली होती.
या सोहळ्यानिमित्य शिरा प्रसाद, लाडू, पेढ्यांच्या प्रसादाचे वाटप करण्यात आले.
यावेळी श्री स्वामी समर्थ अन्नछत्र मंडळाकडे दैनदिन अन्नछत्र योजनेअंतर्गत अन्नदानापित्यर्थ वैयक्तीक संचालक मंडळाकडून काही रक्कम अन्नछत्रासाठी सुपुर्द करण्यात आली.
या पालखी पादुका सोहळ्यासाठी श्री व्यापारी नागरी पतस्थेचे संचालक सर्वश्री प्रशांत शहा , किशोर पोतदार , साताप्पा पाटील , शशिकांत दरेकर , नामदेवराव पाटील , हाजी धोंडीबा मकानदार , निवास कदम , संदीप कांबळे , संचालिका सौ . रोहिणी तांबट , सौ . सुनंदा जाधव , कार्यलक्षी संचालक सुदर्शन हुंडेकर , यांच्यासह
मुरगूड पोलिस स्टेशनचे सपोनि शिवाजी करे, मुरगूड नगरपालिकेच्या उपनगराध्यक्षा रेखाताई मांगले , बिद्री कारखान्याचे माजी संचालक आर .डी. पाटील ( कुरुकलीकर ) ,सुरेश जाधव , शिवाजी तांबट , आकाश रेदाळे ,जेष्ठ पत्रकार चंद्रकांत माळवदे , विनय पोतदार , नवनाथ डवरी , सुनिल कांबळे , संस्थेचे कर्मचारी रणजित मोरबाळे , जयशिंग कांबळे, नितिश पाटील, संदिप पाटील , संतोष गोधडे , कृष्णात पाटील, सतिश ढेरे, उध्दव संकपाळ ,विनायक हजारे , चेतन हासुरकर , शुभांगी मांडवे , सुरेखा ड्वरी , सीमा मगदूम , सीमा जठार , अश्विनी रणवरे, मुरगूड परिसरातील नागरीक, व्यापारी बंधू , महिला वर्ग व स्वामी भक्त मोठया संख्येने उपस्थित होते .