व्हनाळी: शिवसेना ठाकरे गटाचे कागल येथील माजी आमदार संजयबाबा घाटगे आणि त्यांचे पुत्र गोकुळचे संचालक अंबरिषसिंह घाटगे यांनी आज मुंबईत भारतीय जनता पार्टीत शेकडो कार्यकर्त्यांसह जाहीर प्रवेश केला. या प्रवेशामुळे कागलच्या राजकारणात मोठा भूकंप झाला आहे.
यावेळी भाजपचे प्रदेशाध्यक्ष चंद्रशेखर बावनकुळे, राज्याचे मंत्री चंद्रकांतदादा पाटील यांच्यासह अनेक प्रमुख नेते उपस्थित होते. संजयबाबा घाटगे यांच्या भाजप प्रवेशामुळे शिवसेना ठाकरे गटाला मोठा धक्का बसला आहे.
या पक्षप्रवेशावेळी संजयबाबा घाटगे म्हणाले, “देशाचे लोकप्रिय पंतप्रधान नरेंद्र मोदीजींचे सक्षम नेतृत्व आणि राज्याचे उपमुख्यमंत्री देवेंद्र फडणवीस यांची प्रभावी विकासनीती यावर विश्वास ठेवून मी माझ्या सहकाऱ्यांसह भारतीय जनता पक्षामध्ये जाहीर प्रवेश केला आहे.”
“भारतीय जनता पार्टीची ठाम विचारधारा, सामान्य जनतेसाठी झटणारे नेतृत्व आणि कार्यपद्धतीवर विश्वास ठेवून आम्ही पक्षात दाखल झालो आहोत. पक्षाचे विचार तळागाळापर्यंत पोहोचविण्यास आम्ही निश्चितच योगदान देऊ. भाजपा पक्ष वाढीसाठी आगामी काळात आम्ही निश्चितपणे चांगल्या पद्धतीने काम करू. भारतीय जनता पार्टीची ताकद वाढवून आगामी स्थानिक स्वराज्य संस्थांच्या निवडणुकांमध्ये मोठे यश मिळविण्यासाठी माझ्यासह माझे सर्व सहकारी जोमाने काम करतील,” असेही घाटगे यांनी सांगितले.
या प्रवेशाचे परिणाम:
- * शिवसेना ठाकरे गटाला धक्का: संजयबाबा घाटगे यांच्या भाजप प्रवेशामुळे शिवसेना ठाकरे गटाला कागलमध्ये मोठा धक्का बसला आहे.
- * भाजपला मोठे बळ: कागल तालुक्यात भाजपला मोठे पाठबळ मिळणार आहे.
- * स्थानिक राजकारणावर परिणाम: या प्रवेशामुळे कागल तालुक्यातील स्थानिक राजकारणावर मोठा परिणाम होण्याची शक्यता आहे.
- या पक्षप्रवेशावेळी संजयबाबा घाटगे यांचे अनेक समर्थक उपस्थित होते.
What i don’t realize is in truth how you’re not actually much more smartly-preferred than you may be now. You’re so intelligent. You know thus considerably in the case of this matter, produced me for my part consider it from a lot of various angles. Its like women and men aren’t involved unless it’s one thing to do with Woman gaga! Your personal stuffs outstanding. At all times maintain it up!