मोठया बक्षिसांच्यामुळे शर्यतशौकिनामध्ये उत्सुकता
मुरगूड ( शशी दरेकर ) : मुरगूड ता . कागल येथे विरेंद्र मंडलिक यांच्या वाढदिवासानिमित्य भव्य बैलगाडी शर्यतीचे आयोजन गौरव समिती व राणा प्रताप क्रिडा मंडळाच्या वतीने रविवार ५ मार्च २०२३ रोजी सायंकाळी ४ वाजता करण्यात आले आहे. अशी माहिती संयोजकानीं पत्रकार परिषदेत दिली.
या जनरल बैलगाडी शर्यतीसाठी अनुक्रमे प्रथम क्र . ‘ अ ‘ गट १ लाख २५ हजार २२८ व द्वितिय क्र. ७५ हजार २२८ . तृतिय क्र. ५१ हजार २२८ अशी बक्षिसे तर ‘ ब ‘ गट, प्रथम – २५ हजार २२८, द्वितिय- १५ हजार २२८ , व तृतिय -१० हजार २२८ अशी मोठी बक्षिसे ठेवण्यात आली असून महाराष्ट्र व कर्नाटक राज्यातून बैलगाड्यांचा सहभाग असल्याने शर्यतशौकिनांच्या डोळ्याचे पारणे फिटेल यात शंका नाही.
शर्यतीवेळी स्पर्धकानी विनाकाठी आणि विना मोटरसायकल अशी शर्यतअसल्याने शाशनाच्या-नियमांचे पालन करावे असे आवाहन संयोजकानी केले आहे. या पत्रकार परिषदेस माजी नगराध्यक्ष पांडूरंग भाट , नामदेवराव मेंडके , माजी उपनगराध्यक्ष जयसिंग भोसले, माजी नगरसेवक एस .व्ही. चौगले , किरण गवाणकर , सुहास खराडे , सुनिल रणवरे , यांच्यासह कार्यकर्ते उपस्थित होते .