कागल: कोल्हापूर जिल्हा परिषद आणि पंचायत समितीच्या सार्वत्रिक निवडणूक २०२६ चे निकाल आज जाहीर झाले असून, कागल तालुक्यात राजकीय समीकरणे मोठ्या प्रमाणावर बदलल्याचे पाहायला मिळत आहे.
जिल्हा परिषद निकाल: महायुतीची मुसंडी
जिल्हा परिषदेच्या निवडणुकीत कसबा सांगाव, सिध्दनेर्ली आणि बोरवडे या महत्त्वाच्या गटांमध्ये चुरशीची लढत पाहायला मिळाली.
जिल्हा परिषद मतदारसंघनिहाय प्रमुख निकाल:
कसबा सांगाव: या मतदारसंघात राष्ट्रवादी काँग्रेसच्या सुवर्णा रणजीत कांबळे यांनी१४,३०२ मते मिळवून दणदणीत विजय संपादन केला. त्यांनी शिवसेनेच्या प्रतिभा लखन हेगडे (९,४६० मते) यांचा पराभव केला.
सिध्दनेर्ली: भारतीय जनता पार्टीच्या सुयशा अंबरिशसिंह घाटगे यांनी १६,४३३ मते घेत विजय मिळवला. त्यांनी शिवसेनेच्या कोमल प्रविण बुवा (८,९७४ मते) यांना पराभूत केले.
बोरवडे: राष्ट्रवादी काँग्रेसच्या शोभाताई गणपती फराकटे १६,७२२ मते मिळवून विजयी झाल्या. त्यांनी शिवसेनेच्या शितल रोहीत फराकटे (११,०८६ मते) यांचा पराभव केला.
म्हाकवे: भाजपाचे काकासाहेब मारुतीराव सावडकर यांनी १२,५३८ मते मिळवून विजयाची माळ आपल्या गळ्यात घातली. त्यांनी शिवसेनेच्या शिवानंद विठ्ठल माळी (१०,२४२ मते) यांच्यावर मात केली.
चिखली: या मतदारसंघातून भाजपाच्या शिवानी विजयसिंह भोसले १३,२६२ मते मिळवून विजयी झाल्या. त्यांनी शिवसेनेच्या भारती विश्वास कुराडे (११,०४९ मते) यांचा पराभव केला.
कापशी: राष्ट्रवादी काँग्रेसच्या शिल्पा शशिकांत खोत यांनी १५,०४५ मते मिळवत विजय मिळवला. त्यांनी शिवसेनेच्या अश्वीनी मकरंद कोळी (१०,९०५ मते) यांचा पराभव केला.
पंचायत समिती निकाल: कमळ आणि घड्याळाचा जोर; पंचायत समितीच्या गणांमध्येही चुरस दिसून आली.
निवडणुकीच्या निकालात विजयी झालेल्या उमेदवारांची गटनिहाय माहिती खालीलप्रमाणे आहे:
- मौजे सांगाव (५८): येथून भारतीय जनता पार्टीचे अनिलकुमार रामचंद्र हेगडे (निशाणी: कमळ) ८,२०४ मते मिळवून विजयी झाले.
- साके (६०): दत्तात्रय रावण दंडवते (निशाणी: कमळ) यांनी ७,२७८ मतांसह विजय संपादन केला.
- सावर्डे बु. (६१): राष्ट्रवादी काँग्रेसचे इंद्रजीत पांडुरंग पाटील (निशाणी: घड्याळ) ८,६२२ मतांसह विजयी ठरले.
- बोरवडे (६२): शिवसेना पक्षाचे बालाजी राजाराम फराकटे (निशाणी: धनुष्यबाण) ७,१३२ मते घेऊन विजयी झाले.
- म्हाकवे (६३): रंजना बापूसो अस्वले (निशाणी: कमळ) यांनी ६,९८६ मतांसह बाजी मारली.
- यमगे (६४): रुपाली दिपक आंगज (निशाणी: घड्याळ) ७,३४३ मतांसह विजयी झाल्या.
- चिखली (६५): सुवर्णा भाऊसो जाधव (निशाणी: घड्याळ) ७,६१९ मते मिळवून विजयी ठरल्या.
- हळदी (६६): मनिषा विलास पाटील (निशाणी: कमळ) ६,५३१ मतांसह विजयी झाल्या.
- कापशी (६७): सुनिता सुर्यकांत माळी (निशाणी: कमळ) यांनी ७,६७६ मतांसह विजय मिळवला.
- मादयाळ (६८): दिपक पुंडलिक सोनार (निशाणी: घड्याळ) ७,१७८ मते मिळवून विजयी झाले.
प्रमुख मुद्दे: कागल तालुक्यात राष्ट्रवादी काँग्रेस (हसन मुश्रीफ गट) आणि भाजपा (समरजितसिंह घाटगे गट) यांची सरशी झाल्याचे दिसत आहे. संजय मंडलिक यांच्या गटाला या निवडणुकीत मोठा फटका बसल्याचे प्राथमिक निकालांवरून स्पष्ट होत आहे. अनेक ठिकाणी ‘नोटा’ (NOTA) पर्यायालाही मतदारांनी पसंती दिली असून सिध्दनेर्ली जिल्हा परिषद गटात ४४५ मतदारांनी कोणालाही मत दिले नाही. विजयी उमेदवारांनी गुलालाची उधळण करत जल्लोष केला असून कार्यकर्त्यांमध्ये उत्साहाचे वातावरण आहे.